Azaly mýzyka oınalyp, bir mınýttyq únsizdik jarııalandy. Jurtshylyq aldynda oblystyq máslıhattyń hatshysy Vladımır Býbenko sóz sóılep, Elbasy Nursultan Nazarbaevtyń Jarlyǵymen 31 mamyr saıası qýǵyn-súrgin qurbandaryn eske alý kúni bolyp belgilengenin, Qyzyljar óńirinen 7614 adamnyń «halyq jýy» atanyp, túrli jazalaýlarǵa ushyraǵanyn jetkizdi. Olardyń arasynda Úkili Ybyraı, Maǵjan Jumabaev, Smaǵul Sádýaqasov, Nyǵmet Syrǵabekov, Qaısar Táshıtov, Ǵabbas Toǵjanov, Jumaǵalı Tileýsın sekildi elge belgili jerlesterimiz bar.
«О́ńirde «Pamıat» qoǵamdyq qory 14 jyldan beri jumys istep keledi. Onyń bastamasymen jazyqsyz japa shekken arystarymyzdyń esimderi jazylǵan memorıaldyq taqta, basqa respýblıkalardan kúshtep qonys aýdarylǵandar men ashtyqtyń azabyn tartqandarǵa arnap eskertkish ornatyldy. Naq osy jerde NKVD-nyń eki qabatty ǵımaraty bolyp, tutqynǵa alynǵan jerlesterimiz osynda aýyr azap shekken.
Bolashaqta mýzeı ashýdy josparlap otyrmyz. Ondaǵy maqsat – ata-baba rýhyna taǵzym etý, tarıhymyzdyń qaraly kezeńin umytpaý, jastardyń esine salý», deıdi «Pamıat» qoǵamdyq qorynyń tóraǵasy Saǵyndyqov Bolat aqsaqal.
О́mir Esqalı,
«Egemen Qazaqstan»
